ما رأيك بالتوجه لفرض اشتراكات على مكالمات الصوت في تطبيقات التراسل المجانية؟

تم نشره في السبت 14 أيار / مايو 2016. 01:12 مـساءً

ما رأيك بالتوجه لفرض اشتراكات على مكالمات الصوت في تطبيقات التراسل المجانية؟

التعليق
› ان الاّراء المذكورة هنا تعبر عن وجهة نظر أصحابها ولاتعبر بالضرورة عن اراء جريدة الغد.
  • »فرض اشتراكات على المكالمات (abu zied)

    الأحد 22 أيار / مايو 2016.
    مش من حق الشركات لأنها مش هيه اللي إخترعت التطبيقات
  • »فك الحصار او الانفجار (Muhammad)

    الأحد 15 أيار / مايو 2016.
    اقسم بالله بدي اطق ! وبعدين يعني ؟ لاحقينا عل البلاش ؟ اذا اللي صمموا التطبيق بدهمش مصاري ! الحكومة بدها ؟ كيف صارت هاي اقنعوني!
  • »تعال احكيلك ... (وصفي القرعان.)

    الأحد 15 أيار / مايو 2016.
    حجتهم انه أثر على اعتماد المستخدمين على الاتصال المباشر مما ادى لتضرر شركات الاتصالات؟
    طيب في اكثر من وجه للموضوع:
    1- اغلب الاشتراكات على نظام الحزم ... يعني احنا هيك هيك مشترين من جنابكم دقائق وحزم انترنت، سواء استخدمناها والا ما استخدمناها ف احنا دافعين حقها ...
    2- الانترنت خدمة مدفوعة وهون بنتهي دورك، لو كان في احقية اخذ عمولة على هيك خدمات احنا مستفيدين منها عبر خدمة الانترنت اللي دافعينلكم حقها ف الحق للشركات المقدمة للخدمة زي الواتس اب والا الفايبر والا السكايب والا شو ما كان مش الكم.
    3- لو كان فعلا استخدام هيك خدمات هوة فعلا أضر بشركات الاتصالات -وهو ادعاء غير صحيح زي ما فسرت بالنقطة رقم 1- ف ما في للشركات اي حق بانهم يصيروا يحاولوا يجبرونا انه نستخدم خدمتهم المنتهي مدتها (الاتصال المباشر يعني) بنفس الاسلوب اللي لو صرنا كائنات فضائية وبطلنا ناكل خبز ف ما في اي حدا اله علينا ضربة لازم انه يجبرنا نرجع ناكل خبز ... ياخي ما الك حق ما انت ماخد هيك هيك اتعاب استخدامنا لخدمتك الوسيطة (الانترنت يعني) -زي ما بينت بالنقطة رقم 2-.
    عدا عن كل ما سبق ... احنا مشكلتنا مش مع الانترنت والا الاتصال المباشر او الغير مباشر ... احنا مشكلتنا مع تحور وتغير مفهوم الضريبة في الاردن ... يا عمي الضريبة هي مبلغ اضافي بندفع على خدمة معينة لقاء تحملك بعض التكاليف لتوصللنا اياها ... مش باب من ابواب التربح للدولة او لمين ما كان ... يعني اشي بيوصلني ببلاش - طبعا من بعد ما دفعنالكم حق الخدمة وضريبتها والضريبة على ضريبتها وكل هالهبل- ما بيطلعك او لغيرك اي حق انك تحاول تتكسب بزيادة على ظهري.

    يا عمي الأولى انه الدولة توقف بجنب المواطن وتجيبله حقه من الشركات بانه ما يجبرونا ناخد الدقائق المجانية اللي ممكن نكون ما بدنا اياها في حين من الاحيان وبدنا نكتفي بخدمة الانترنت بس، وبندفع ثمنهم كلهم مع بعض من دون ما نستخدمها، وتجبرهم يقتطعوا قيمتها من الاشتراك بدل ما توقف معهم وتجور علينا وتحاول تتكسب منهم بزيادة من خلالنا وعلى ظهورنا.
  • »لاحقينا (حسين)

    الأحد 15 أيار / مايو 2016.
    لاحقينا على البلاش كمان، قسما بالله الحق مش عليهم، الحق على الشعب الساكت وعلى الحكومة .
  • »فعلا كم كلمة مجانا مسموح باليوم عند فرض الرسوم على مكالمات الواتساب (زعل)

    الأحد 15 أيار / مايو 2016.
    صدق من قال إن اسمها مجانية، وماخذين ضريبة على البطاقة، وكمان المستهلك (مواطن مقيم سائح) هو مشتري خدمة النت، وبعدين لازم الارباح تكون باهظة عند الاعلان عن جرد الميزانية!
  • »لماذا طالما أن النت ضعيف والكلمات الهاتفية متقطعة؟ (فرحان)

    الأحد 15 أيار / مايو 2016.
    شكرا على الطرح المسؤول وعلى اتاحة التواصل المباشر السريع في مسائل تهم المواطن .. بما ان شركات الاتصالات تبيع النت مقابل مالي والمواطن يدفع مقابل الحصول على تلك الخدمة، فهل يحق لشركات الاتصالات الاردنية اغلاق التطبيقات المجانية مهما كان نوع التطبيق وخصائصه؟
  • »لا ... تشبع (خبر غير مفرح)

    الأحد 15 أيار / مايو 2016.
    رغم ان المستهلك يدفع مالا كثيرا مقابل الاشتراك في الخدمة المكلفة للانترنت، إلا أن شركات الاتصالات تريد ايضا اغلاق التطبيقات الخاصة بالمكالمات! لماذا؟
  • »فرض اجباري؟ على اشتراكات خدمات المكالمات الصوتية المجانية (خدمات الصوت عبر التراسل)

    الأحد 15 أيار / مايو 2016.
    سادتي لقد (قرأت) أن هذا التوجه "يأتي بديلا عن حجب هذه الخدمات الصوتية عن مستخدم بروتوكول الانترنت، حيث كانت عدة هيئات تنظيم للاتصالات ومشغلون في مجموعة من أسواق الاتصالات في المنطقة والعالم قد حجبوا هذه الخدمات عن المستخدم لأسباب أمنية أو اقتصادية، ومنها دول عربية مجاورة وقريبة...
    ... فيما ((تدرس دول ومشغلون حلولا )) لمواجهة الخسارات والتحديات التي بدأت تفرضها خدمات المكالمات الصوتية المجانية عبر تطبيقات التراسل على المشغلين.