|

ان الآراء المذكورة هنا تعبر عن وجهة نظر أصحابها و لا تعبر بالضرورة عن آراء جريدة .

النظرية والتطبيق (فهمان - الأردن)
fahman77@yahoo.com
^{(16/10/2008 09:58:24 PM)}
1- الطبيعة الجغرافية في عمان لا تسمح بمثل هذه المشاريع لأن القطار الخفيف او الحافلات المذكورة بحاجة لمناطق سهلية يعني مش رايح تقدر تطلع جبل الأشرفية او الجوفة او التاج اوالمريخ او النظيف ...الخ.
2- المناطق الأخرى الأكثر سهولة في عمان الغربية وهناك معظم الناس عندها سياراتها الخاصة وما بيستعملو السرفيس.
3- من وين للأمانة فلوس مش قبل عدة ايام كتبتو ان الأمانة تعاني من عجز مالي بعدة ملايين واستقال بسبب ذلك بعض المسؤولين فيها.
4-الخلاصة انه مشروع غير قابل للتطبيق على ارض الواقع

طلوع الهاشمي مثلا (germany - ألمانيا)
germany-1@hotmail.com
^{(16/10/2008 07:40:38 PM)}
هذه الباصات بالثلج و الجليد ما بتطلع و تصورو لو قطع فيكم الباص في عز المطر و الثلج على طلوع اقل جبل من جبال عمان

المانيااستعملتها من زمان بس بالمدن الجبلية فيها اشي اسمه القطار المعلق

هذه الفلوس مش ضرايب (خالد شومان - الولايات المتحدة الأميركية)
khaled_shouman@hotmail.com
^{(16/10/2008 07:14:27 PM)}
ياجماعة هذه الفلوس هية من البنك الدولي لعمل الدراسه.
يعني تحلموش تاخذوها اذا ما قدمت الامانة مشروع مجدي و يستحق الدراسة بنظر البنك الدولي. وما بتعرف بكرا الدراسة ممكن تبين ان الكلام النظري اللي بيحكوا القراء صحيح. بس البنك الدولى ما بمول اي مشروع مهما كان بدون دراسة عميقة. امين عمان والدكتور ايمن صمادي عمشتغلوا لمصلحة البلد. بدهم يجيبوا هالمصاري من البنك الدولي و يشغلوا اهل البلد. الاه يقويهم ويشد على ايديهم!

ليش تحرموهم من هالفرصة (ابو متعب - الولايات المتحدة الأميركية)
abumeteb@yhoo.com
^{(16/10/2008 07:13:14 PM)}
يا اخوان انتو ليش زعلانين ما دام البنك الدولي سيدفع تكاليف الدرسات والمخطاطات والي اخرتها في الارشيف مثل المئات من المشاريع والمخطاطات السابقة

عالم جميل (زين - الأردن)
zain@mesk.jo
^{(16/10/2008 05:58:38 PM)}
ارجو من الاخوة القراء والمعلقيين التمييز بين الحافلات المتصلة (articulated busses) وحافلات التردد السريع(BRT) ذات المسرب الخاص بهاوكذلك المحطات الخاصةبها كل الشكر والاحترام والتقدير لفريق الامانة القائمين على هذا المشروع الذي سيكون نقلة نوعية لنقل الركاب العام في العاصمة

تكملة التعليق (عباس - الأردن)
abass@gmail.com
^{(16/10/2008 05:13:51 PM)}
صويلح الجامعة الاردنية المدينة الطبية دوار الداخلية دوار المدينة .... الخ وين الشوارع الموازية بدكم تعملوها جد وين ؟؟؟ تهدموا عمارات ولا تستملكوا اراضي اذا فيه بكون وزنها يساوي يورانيوم مش ذهب قد ما هيه غالية يعني تعملوا سرفيس جوي او مترو انفاق ارخص بمليون مرة من هالحكي انا اللي قاهرني ناس بتحكي وكانها عايشة بلندن ولا مرها فاتت عمان وشافت شوارعها واحيائها جد عن شو بحكو خيال علمي ولا كلام للاستهلاك المحلي ولا شو

رد على نسيم التميمي (عباس - الأردن)
abass@gmail.com
^{(16/10/2008 04:49:51 PM)}
خلني استوعبك عن شو بتحكي بالضبط انتي؟؟؟؟
1- تتكلمين عن مسارات وشوارع مستقلة وين بدنا نمد هالشوارع داخل بيوت الناس!!! هذا الحكي بزبط لمدينة قيد الانشاء حيث يتم تاسيس البنية التحتية قبل العمران السكاني
2- تا يرقعوا الشوارع ويزفتوها زي العالم اذا اهم شارع في اي دولة شارع المطار روحي شوفي حالته !!!!
3- ما بدنا كلام من وراء مكاتب على مخططات نريد ما ينطبق على ارض الواقع تضاريس عمان وشوارعها ضيقة بما فيه الكفاية بدي افهم هذا الباص كيف بده يلف دوار ولا كوربة ولا شارع مسرب رايح جاي بدكم تحكولي نعمل شوارع 3 مسارب رايح و3 جاي !!! ماشي وين بدكم تعملوه هذا عحكيكم بدكم تهدموا نصف عمان تا تعملوا مشروعكم كونفيوشس اله حكمة بتقول لا تستخدم مدفع لقتل بعوضة !!!

nasimjo.blogspot.com (نسيم التميمي - الأردن)
nasimjo@gmail.com
^{(16/10/2008 04:26:23 PM)}
يا إخوان الـ BRT لن يسبب أي من المشاكل التي تذكروها، حيث سيكون في شوارع مستقلة و مغلقة، و بمحطات و ترددات محددة بعيدا عن الفوضى التي نراها يوميا في الشوارع.

لمزيد من المعلومات و فيديو توضيحي:


شاهدوا سرعة الحركة مقارنة مع الشارع الإعتيادي

غالية شوية (المهدي - الأردن)
salamat@yhooo.net
^{(16/10/2008 02:43:36 PM)}
يعني التكاليف مبالغ فيها شوية للكيلو 15 مليون يعني ارخص من المترو.بس احنا المواطنين ما بنفهم بالتكاليف صح يا رجال؟

تعقيبا على الاستاذ سامي عودة (مهتم - الأردن)
ah_omar101@yahoo.com
^{(16/10/2008 02:35:37 PM)}
اخي العزيز كلامك صحيح بس شو الحل؟؟
لو انه في دراسات صحيحة مش بس من اجل نهب المخصصات كان كل الشوارع في عمان الغربية اعرض من 6 مسارب!!!
لكن تعال لتخطيط الشوارع بتلاقي حتى في عمان الغربية وفي المناطق المنظمه حديثا ضيق الشوارع
وبتبدا الامانه في الاستملاك والهد وخلافه

الحل ممكن في الي طرحته من الترولي او المترو

لكن الحل الجذري انه ما يكون منصب الامين والمدير والمسؤول هي مناصب فخرية فقط "جاهة وعز وبعترة بضرايب المواطن"

الاخ عامر
لم اجد تعليقا بصحة تعليقك وتقبل مني كل التحية والاحترام
وشجر الزيتون سيبقى حتى ولو رسمناه على الجدران

ليش لا (MrFadi - الأردن)
mrfadi@gmail.com
^{(16/10/2008 02:22:46 PM)}
يا اخوان ليش لا ما يصير عنا هيك.

لو صار عنا مواصلات فخمة اول اشي بتخف الاعباء عنا و التكاليف و ثانيا نوعية الانتاج حتكون احسن يعني انتعاش اقتصادي.

ليش ما بتحب شغلك, بتقد 3 ساعات كل يوم مواصلات و اذا اتاخرت دقيقة بنخصم عليك او بتسمع اكمن كلمة و بتكون الك مش ملاقي تكسي او سرفيس ساعتين.

لو المواصلات انحلت الكل برتاح بشغلة و للعلم نظرية علمية اول نصف ساعة من العمل تعادل نصف مدة الدوام كاملة.

تصحى على راحتك و توصل مرتاح مش تعبان و تروح مرتاح ترجع تاني يوم مرتاح.

فكر فيها بعمق.

الله يقويكم و انا عندي فكرة لجمع المصاري.

طبعا بالحلال :D

وحدو الله (ليث الرشيدات - الأردن)
laith_rsh@hotmail.com
^{(16/10/2008 02:00:53 PM)}
شبعو شعبكو الخبز وبعدين فكرو بهالحكي

الله يوفقكم (زعيما - الأردن)
don.ja74@yahoo.com
^{(16/10/2008 01:31:58 PM)}
والله هالناس مش عاجبها العجب الله يعطيكم العافيه واحنا الي بنحب البلد يطور اكثر بكثير من المعارضين للتطور والله يهديهم. مثل ما بعرفو يتفلسفوايشوفو العالم شو بتحكي عن بلدنا والله شي برفع الراس.الحمدالله

ماهي مشكلتنا مع الامين والامانة؟؟؟ (عامر - الأردن)
amer33@gmail.com
^{(16/10/2008 01:12:48 PM)}
حاولت اسأل حالي هذا السؤال 100 مرة هل لاسباب شخصية ؟؟ لا والله لو شفته بالشارع يمكن ما اعرفه لكن:
1- سياسة الامانة المعتمدة على القطاع الخاص وخصخصة الخدمات والتي افقدت الامانة مواردها دون ان تتحسن الخدمات!!!
2- مشاريع مثيرة للجدل كانت تريد الامانةتنفيذها رغم كونها فاشلة كمجمع الدوائر الحكومي ونتائج تستند على تقارير على الورق وليس الواقع
2- هنالك ارث تاريخي لعمان لا يمكن تجاهله من قبل اي امانة فمن ينظر للأبراج يراها شاذة بالنسبة للنمط العمراني السائد خصوصا ان عمان منطقة جلية ولا تنجح فيها الابراج
4- هل هنالك عاقل يقنعني بجدوى ازالةاشجار الزيتون ومن يتحجج بالحساسية اسأله هل تسبب الاشجار ضرر اكثر من تلوث الشاحنات وتلوث المياه والغذاء والنفايات .... الخ
5- اعطونا بالارقام وضع الامانة ماليا لنحكم على نجاحها
6- امشوا في طرقات عمان واحيائها واسألوا الناس عن مستوى الخدمات المقدمة لهم ورضاهم فيها
7- الامانة تتعامل مع الوضع وكأننا نعيش في لندن او نيويورك وترسم خططا على الورق لا علاقة لها بالواقع

ملاحظة: 90% من اهل عمان لا يعرفون الامين لو شاهدوه بالشارع ولكن يعرفون واقعهم جيدا ويحكمون بناءا على ما يعايشونه نريد انجاز على الواقع وليس عالورق!!!

حافلات التردد السريع للوصول البطيء (سامي عوده - الأردن)
DABDOUBSAMI01@YAHOO.COM
^{(16/10/2008 11:43:51 AM)}
بدءا على الحكومة بكوادرها ليس فقط أمانة عمان بحث إمكانية معينة و بشكل فعال لتوسيع شبكة الطرقات الداخلية جميع الشوارع في عمان لابد من توسيعها على الاقل 3 متر عرضا للمساعدة على توسيع شبكة الشوارع الرئيسية و الفرعية في هذا البلد لان المشكلة القديمة المتجددة يوميا ضيق الممرات و عدم نجاعتها في الشتاء و مع ضغوط الاحمال الكهربائية و المائية في فترات الذروة كذلك شبكات الصرف الصحي خصوصا ، فهذا يؤكد على ان الدولة مطالبة برغم عن امانة عمان لاتخاذ خطوات استباقية و تنفيذية لتوسيع الشوارع كما ذكرت مسبقا و الشوارع ككل و ليس شارع دون شارع لان هذا الحل لا ينفع معه الواسطات و غيرها من الإجراءات الجانبية التي قد تحول دون تنفيذ هذا الحل شبه الجذري " لأن الحل الجذري هدم كل عمان و إعادة تنظيمها " هذا الخطوة لا ينظر فيها إلى منزل وزير و لا غفير و فلان و لاعلنتان و نقل كل الدوائر الحساسة و ذات الثقل الديموغرافي من حيث المراجعين بحيث يتم نقلها إلى مناطق جديدة ذات تنظيم جديد برؤية مستقبلية ذات انفتاح أكثر على تطور المنطقة التي سينقل إليها المبنى التابع للوزارة الفلانية فعلى سبيل المثال لا الحصر المسافة من الدوار الأول إلى الثاني لا تكاد تتجاوز ال500 متر يتحرك فيها يوميا قرابة ال30000 نسمة و تتجه إليها سيارات المراجعين من كل انحاء العاصمة و الدولة بتعداد يفوق ال10000 سيارة يوميا على الأقل و هذه المنطقة تتضمن مدارس الكلية العلمية الإسلامية و دائرة الجوازات و جوازات غزة و الأحوال المدنية فالمدرسة تعداد طلابها و عامليها يقارب ال5000 نسمة بكل سهولة لما تتحرك باصاتها و سيرات موظفيها و أولياء الأمور صباحا و عند نهاية الدوام تؤدي إلى كارثة ازدحامية ضخمة جدا جدا و كذلك الجوازات و الأحوال ايضا ، هذا لا بد من نقلها و استملاك أراضيها بقيمة معينة لن تكون كقيمة مناطق وادي عبدون حيث ان هذه المناطق ماتت لان التنمية فاتتها و مرت عنهاو ولو بلغت نفس القيمة فهذا المشروع لوحده كفيل بإنهاء 30% على الأقل من ضغط الطرقات باتجاه من الدوار السابع إلى الدوار الأول و كذلك الحال بالنسبة للمناطق الاخرى وسط البلد ، جبل الحسين ، شارع الأمير محمد و الشميساني ..... إلخ ، خطوط التوسعات الدولة امامها خيارين إما شبكة مواصلات ترعاها الدولة و ليس القطاع الخاص تقوم على الباصات الحديثة من نظام الHEAVY DUTY ليس وزن خفيف و سرعة غير مقبولة في الطلعات و النزلات التي تشتهر بها عمان أو نظام الTROLLI قطار كهربائي حديدي من النوع عالي الجهد يمتاز بسرعة التنقل و الكفاءة و قد اثبت جدارته في عدة مدن منها مصر الشقيقة و يعمل بكفاءة في دولة كالأردن خاصة و أنه يعمل إلى وقتنا هذا في سويسرا الجبلية التضاريس في بعض مدنها او نظام مترو الأنفاق و قد يقول قائل ب " ان هذا حلم " فنقول له حلم قابل للتحقيق و الفرع الثاني دخول الدولة في شراكة مع القطاع الخاص لنفس ما ذكر سابقا
و يوجد حل ثالث يمكن للدولة معالجة مشكلة الازدحام و في نفس التلوث و في نفس الوقت تحقيق ربح سريع و لكن بشكل معقول و مقبول و هو حل جدي جدا تفريغ المناطق الامتدادية من الدوار السابع إلى وسط البلد من كل ما هو خلاف التكسي و الباص أنواعه بحيث تكون هذه الآليات ملك للدولة تتحكم بها و تراقب فعاليتها بحيث يكون أصحاب التكسي و الحافلات موظفين عند الدولة بالمعنى الحرفي من حيث نظام المكافاة و العقاب ، هي كلها حلول مطروحة و لكن هي مثل إعلان الحرب تحتاج إلى قرار سريع و حاسم و غير قابل للتراجع ، و السلام ختام

شباب بعمر الأزهار (ام راكان - الأردن)
alzajel65@yahoo.com
^{(16/10/2008 11:41:03 AM)}
أنا أكيد بشجع التطور ولكن في بيئة أسست على النظام إذا كان في الوقت الحاضر وعند حصول حادث في الباص الواحد نجد الوفيات بحدود (16) اتساءل كم سيكون الرقم في باصات أكبر وعدد ركاب أكثر

نصيحه بدون جمل (ابو شريف - الأردن)
abdullah1952@maktoob.com
^{(16/10/2008 10:16:46 AM)}
زرنا كثيرا من دول العالم وشاهدنا مثل هذه الوسائل وصدقوني انها لاتصلح لمدينه مثل عمان . بالله عليكم وفروا اموال هذا البلد . وابحثوا عن وسائل اخرى اكثر ملائمه. والله اعلم في الصحيح.

مع التطور لكن بما يناسب واقعنا (mhamad - الأردن)
mhamad@yahoo.com
^{(16/10/2008 10:14:46 AM)}
نحن الاردنيين من اكثر شعوب المنطقة تقبل للتطور لكن يجب ان يكون التطور عملي وواقعي وليس لنقول ان لدينا كذا وكذا. قبل الحديث عن هذا النوع من الحافلات لماذا لايكون تردد حافلات النقل العام واضحا مثل الدول الغربية. انا بتمنى انه الباص الي يوصلني للشغل يصل يومين بنفس الوقت!

قصه حلوه (أبو الزوز - الأردن)
sas4eng@go.com.jo
^{(16/10/2008 09:29:28 AM)}
كان في زمان احد الحكام يريد تعليم حماره الكلام واي شخص يتقدم لهذا الشرط ولايعلمه الكلام يقطع راسه فجاء جحا وقال انا استطيع تعليمه الكلام ولكن اعطني 10 سنوات فقالوا له كيف ستعلم الحمار الكلام فقال خلال عشر سنوات يا الحمار بموت يا الحاكم بموت .

وهاي هي أمانة عمان كل يوم بتقلنا كمان سنتين راح تصير المواصلات من ارقى مايكون وفي عام الالفين طلعت علينا امانة عمان وقالت بعام 2005 سيكون عندنا ارقى وادق انواع الباصات ثم قالت عام 2008 سيكون هو عام الاستغناء عن السيارات الخاصه واستعمال باصات المؤسسه العامه .

وهل سنبقى نقول هذا الكلام حتى نموت يا امانة عمان ؟؟

المشكله والحل :

1- المشكله تكمن بحجم باصات المؤسسه وضيق شوارع عمان فنرى الباص اذا توقف او اراد التحرك احتاج الى مساحه كبيره جدا خاصه وبالتالي مجرد التفكير باستعمال باص المؤسسه يعني تأخري عن عملي ليس اقل من ساعه ، هذا ناهيك عن التحميل للمواطنين بشكل ارهابي ومنظم من قبل سائق الحافله وكأنه يأخذ الاجره لجيبه ، ناهيك عن التدخين داخل الحافله من قبل 90% من الراكبين .

الحل :
1- تحميل عدد مواطنين للجلوس فقط وعدم تكديس الناس مثل السردين داخل الحافله .
2- منع التدخين نهائيا داخل الحافله وتوظيف شرطي لاصدار مخالفات تدخين لمن يخالف التعليمات .
3- توقف الحاله بأماكن محدده وليس كلما كبس راكب كبسة التوقف (فتصبح رحلة النصف ساعه 4 ساعات) .
4- تخصيص مسارب خاص بالباصات لالتزامها بالمواعيد المحدده لها .
5- تحرك الباص من موقفه وحتى لو كان معه راكب واحد وعدم انتظار اكتمال العدد .

عندها سأترك سيارتي واستقل النقل العام .

ما في داعي (غشيم - الأردن)
hazem_rum@yahoo.com
^{(16/10/2008 09:18:13 AM)}
انا بعتقد انو الامانه صارت تنفق الملايين على المظاهر بدون اي حسيب و بدون ما تتطلع على وضع المواطنين والمجتمع.
هيك افكار مطروحه من سنين طويله بالمجتمعات الغربيه الشبعانه لانو كل شي متوفر للمواطنين .طيب ليش تبحث الامانه من سنتين او اكثر كن مستثمرين بقطاع النقل العام وعبت عمان باصات كبيره وصغيرة مادام عندها نيه تدخل هيك نقليات. طبعا الجواب الاكيد انو احنا ما عنا تخطيط بعيد المدى ولا عمرنا سمعنا في.طبعا هالحكي شبيه بموضوع قانون اليافطات اللي كانت الامانه ترخصها للمواطنين من عشرات السنين وبعديها اكتشفوا فجأه انها بتشوه صوره المباني الذهبيه في عمان فقرروا انهم يشيلوها بالكامل ويجددوها وطبعا على حساب المواطنين.
طبعا برايي انو موضوع هالنقليات الجديده فاشل لعده اسباب منها:
- الباصات طويله جدا يعني ما رح تنفع نستعملها بشوارع عمان الشرقيه او وسط البلدلانو كورباتهاوشوارعها ضيقه جدا لذلك رح يعملوها بشوارع عمان الغربيه اللي سكانها اصلا ما بحتاجو باصات.
- الزحمه القاتله الموجوده بشوارعنا ما رح تسمح بانو يكون هناك مسرب مشغول للباصات الطويله والقطارات(طبعا الا اذا عملوها معلقه بالهوا او انفاق تحت الارض)

العبرة ليست بالسعر فقط (هيثم السليمان - الأردن)
haithum_awni@hotmail.com
^{(16/10/2008 09:09:51 AM)}
أهم اعتبار لمثل هذه الوسائل هو البنية التحتية، هل تمتلك عاصمتنا الحبيبة البنية التحتية اللازمة لحافلات سريعة التردد؟
(أشوف كيف هالحافلة العظيمة بدها تمشي على دوار الداخلية ولا بشارع الاستقلال ولا تلاقي مكان توقف عند الجامعة الأردنية).

حلم (أحمد - الإمارات)
aa.ss.111@hotmail.com
^{(16/10/2008 08:06:24 AM)}
منذ سنوات طويلة ونحن نسمع عن مثل هذه المشاريع وكل مرة مخطط أو مشروع ينتهي بالموت السريع أو البطئ ولا ندري إلى متى سنبقى نسمع عن مخططات بلدنا ونرى البلاد الأخرى تعمل وتسبقنا وتنفذ مخططاتها.

حافلات التردد السريع (هومر - المملكةالمتحدة)
hsimpson82@gmail.com
^{(16/10/2008 02:14:00 AM)}
حافلات الترددالسريع ثبت عدم فاعليتها في لندن:
كثرة الحوادث بسبب طولها حيث تكون عملية التفاف الحافلة خطرة على المشاه.
2- في المدن ذات الانحدارات المرتفعات الكثيرة تكون حركة هذه الحافلات بطيئه بسبب وزنها الثقيل, مما يتسبب في ارتفاع حرارة المحرك وتعطل لمستمر للحافله وفي احسن الحالات قصر عمر المحرك بسبب الجهد الزائد.
فيا ريت نوفر هاملايين ونستغل الدراسات السابقه في هذا المجال

ماشاء الله (محمد - ألمانيا)
shaheenii@hotmail.com
^{(16/10/2008 01:42:46 AM)}
هاي الباصات صارلها من السبعينات في المانيا...

تطور (محمد امير - الأردن)
hhhhhhh@yahoo.cpm
^{(16/10/2008 01:26:34 AM)}
بالفعل دمت لنا يا سيدي ابو حسين
وبالفعل الاردن في تطور مستمر واشكر كل القائمين على هذه المجهودات الطيبه التي بالفعل تليق بمملكتنا
والاردن اولا