|

ان الآراء المذكورة هنا تعبر عن وجهة نظر أصحابها و لا تعبر بالضرورة عن آراء جريدة .

الله أكبر.. ما بشبعوا (عواد فرج التايه - الإمارات)
awwad11@yahoo.com
^{(29/10/2008 04:24:40 PM)}
يعني هسه شركات الإتصالات جاعت و و قفت معهم على قرش.. والله طماعين و مو لاقيين اللي يوقفهم عند حدهم.. مشان الله يا ناس قاطعوهم و خلو الكم موقف و لو مرة واحدة.... لا اتضلو ساكتين يا اهلنا بالأردن و قلوبنا والله دائماً معكم في هالغلا اللي عايشين فيه عندكم في الأردن الحبيبة و ربنا يكون بالعون...

4قروش (Jordanian - الأردن)
Jordanian@hotmail.com
^{(29/10/2008 04:12:12 PM)}
هلأ بعتت و خصم 4قروش...

غريبه (wafaa hijazi - الأردن)
w_hijazi83@hotmail.com
^{(29/10/2008 03:54:53 PM)}
الغريب بالموضوع انو المسجات والتقارير ما بتستهلك اي نوع من الوقود مشان تنبعت فلليش الغلا
عكلن انا ما بتاثر بهالاشي لاني ما ببعت مسجات انا ما بستعمل الموبايل الا مشان احكي مع ا رقامي السوبر اللي ببلاش

عفية (مواطن - الأردن)
Haram_el_assa@yahoo.com
^{(29/10/2008 02:39:12 PM)}
وين العدل وين الحق وين الحرية وين ماخديني وين بدكو تروحو فيا !!!!

قاطعوا المسجات هذا افضل حل (يدا بيد - الأردن)
moath.asad@yahoo.com
^{(29/10/2008 02:17:08 PM)}
اناشد كل من مشى على هذه الارض المباركة والحبيبة على قلوبنا الاردن رمز العزة والصمود رمز المحبة والفخار ان نتكاتف معا لمقاطعه ارسال المسجات
ياناس احكوا حكي اوفر من المسجات وجربوا

الله لا يشبعهم (احمد - الأردن)
sultan267@yahoo.com
^{(29/10/2008 01:54:13 PM)}
يعني عينك عينك
ارباح هذه الشركات بالملايين
وحجتهم في فرض القرش على التقارير انه هذه جزء من الخدمة التي تثقل كاهل الشركات مما حدا بها للقيام بفرض القرش لكن اتمنى من الحكومة التدخل والتشديد وشكرا يا وزارة الصناعة والتجارة وان شاء انهم هالشركات يردوا عليكو عاد.. ):

تقارير التسليم (تالا - الأردن)
www.talaali@live.com
^{(29/10/2008 01:29:25 PM)}
حتى تقرير تسليم الرسالة بده قرش والله حرام خلص انا ما بدي الخلوي كله لانة بده مصروف اكثر مني

بسيطة (بسيط - الأردن)
baseetmabsoot@live.com
^{(29/10/2008 01:14:33 PM)}
لا تعقدوها يا جماعة الخير كل واحد يلغي من عنده خدمة التقرير و وفر عحالك هالقرش ببطلو يخصمو منك
يعني من الاخر بسيييييطة

لازم (jjjjjjjjjj - الأردن)
kandahjehad@yahoo.com
^{(29/10/2008 01:00:12 PM)}
والله اللي عندهم 4و5و6و.... خلويات مش فارقة معهم القرش واحنا بنحب المظاهر .

4 قروش (ام لين - الأردن)
samaone2005@yahoo.com
^{(29/10/2008 12:54:08 PM)}
هلأ بعتت مسج وخصموا 4 قروش ، نفسي اعرف من وين بتجيبو الاخبار

عادي (بلال معايطه - الأردن)
bilalmaaitah@yahoo.com
^{(29/10/2008 12:13:30 PM)}
ايوه هاض الي ضل

لغلاء (يونس ابوغليون - الأردن)
younis665@yahoo.com
^{(29/10/2008 12:07:15 PM)}
حتى الرسائل طالها الغلاء

sab7ooooo (samar - الأردن)
sos_sweetlion@yahoo.com
^{(29/10/2008 12:00:34 PM)}
ارحموووووووووووووووووووونا

تم التسليم (لالا - الأردن)
lala@hotmail.com
^{(29/10/2008 11:59:58 AM)}
معك حق يا سمية وأنا جربت وخصموا، بس يمكن رح يتحججو انو كانو باديين بالموضوع وهلأ الصناعة والتجارة رفضت فرح يرجعو يطبقو قرار الوزارة لأنها طلعت جدعة..قال شو بيوخدو رأيها بعد فوات الأوان
وبعدين شو التحسين اللي رح يطرأ ع خدمة تسليم التقرير رح يبلغوني انو حبيبي وصلو المسج وقرؤو وباكتبلي بواحد ؟؟؟؟؟ اما استغلال خلص بنضل ع المسنجر والايميلات ارخصلنا او بنحكي دقيقة بدل ما نبعت مسج شو مفكرين

اتأكد من رصيدك (مشترك - الأردن)
muath@ymail.com
^{(29/10/2008 11:56:25 AM)}
يا اخوان اتأكدو بنفسكم
وشغلة تانية
ضلكم شيكو على رصيدكم
كل ساعة
يمكن ياخدوه برسالة او بدون رسالة هالقرش
ومن دون علمنا

ضلكم إضحكو عالشعب (Yazid - الأردن)
justthat_100@hotmail.com
^{(29/10/2008 11:47:46 AM)}
لسا هلأ باعت مسج و خصمو 4 قروش
الله أكبر 4 قروش عمسج العالم بررة عندهم المسجات ببلاش...

لا حول ولا قوة إلا بالله
بطلب من جريدة الغد تتأكد دائما قبل النشر

لا تستطيع وزارة الصناعه (أبو الزوز - الأردن)
sas4eng@go.com.jo
^{(29/10/2008 11:42:51 AM)}
عمل اي شي بهذا الخصوص لان السوق الاردني معوم (يعني كل واحد بغني على ليلاه) ولايوجد متحكم بالاسعار من قبل الدوله الا بما يخصها . واذا كانت شركات الخلوي عملت مخالفه بوضع القرش على الرسائل فستقوم هذه الشركات بدفع قيمة المخالفه فقط ولايمكن اجبارها على الغاء قرارتها (لانه سوق معوم)

وزارة الصناعه لاتستطيع عمل شي بارتفاع اسعار المأكولات فكيف تستطيع عمل شي مع شركات عملاقه مثل شركات الخلوي .

أنا قلت انه مو معقول (Sumaia - الأردن)
sumaia_just@yahoo.com
^{(29/10/2008 11:10:55 AM)}
اتصلت بشركة الخلوي الآن للتحقق من الأمر وقالوا لي انه ما معهم خبر!!

يعني الخبر مو صحيح!

أيضاً جربت أبعت مسج وخصموا قرش.

مبروك علينا

شكرا (وسام صافي - الأردن)
wessam_3000@hotmail.com
^{(29/10/2008 10:47:38 AM)}
شكرا جزيلا لوزارة الصناعة والتجارة بس الا تم الخصم من رصيده شو يعمل وكيف بنقدر نتاكد من الغاء القرار

الله يكون بعون المواطن (بشار - الأردن)
bashar_abdallah@hotmail.com
^{(29/10/2008 10:14:01 AM)}
وازارة الصناعة والتجارة تتخذ قرارات رفع وآليات رفع لكن عندما يتعلق الموضوع بخفض اسعار لا تكون موجودة ولا تمون على تاجر ولا على سائق تاكسي ولا اي شيء ، كنا نتمنى ان تكون الحكومة حكومة وطنية تعمل لصالح المواطن وتخفف من الاعباء عليه ، وليس سحب كل قرش من جيبه .

معقول؟ (Sumaia - الأردن)
sumaia_just@yahoo.com
^{(29/10/2008 09:50:51 AM)}
أنا مو مصدقة. يلا كتير منيح

عفيه (النعيمي - الأردن)
Saper@yahoo.Com
^{(29/10/2008 09:45:52 AM)}
عاشت الحكومه الأردن أولأ ما ضل علينا الأ شركات الخلوي تأكلنا

الله لا يشبعهم (مواطن - الأردن)
AAAAAH@JORDAN.COM
^{(29/10/2008 09:41:59 AM)}
اليوم صبحوا يخصموا ويشربوا من دم الناس !! يا اخي والله حرام
طبعا حكيت مع الشركة وبحكولي انه تم تحسين هذه الخدمة ولذلك تم وضع عليها تعرفة!!!!
اموت واعرف شو التحسين؟!! بيعطوني تقرير متى راح ابعث المسج الجاي!!

ايوه هيك تمام (سجى العساف - الأردن)
SAJA_ZH@HOTMAIL.COM
^{(29/10/2008 09:41:51 AM)}
يا عيني عليكم
هيك عجبتونا !!!!!!!!!! ايوه خليكم صاحيين مو كل شي بدهم اياه توافقولهم !!
خليهم يعرفوا حدودهم وما يستغلوا المواطنين

good (prince_aqaba - الأردن)
tamerlove88@hotmail.com
^{(29/10/2008 09:35:18 AM)}
ايوة هاد الصح!
والله مو على القرش بس الاستغلال الله نهى عنو وليش انضل هيك سما وطاعا لل...

ياهوووووووووو (Shiry - الأردن)
shiry009@gmail.com
^{(29/10/2008 09:34:05 AM)}
هييييييييي !!!!!

يعني انشالله تستمر الفرحة وتشمل وقف الضرايب كمان! واللي بيقدر عالقرش بيقدر عالمليون وأكتر هي هي هي هي

يا ريت تغيرو عنوان الخبر (مغلوب على أمره - الأردن)
123@12345.123
^{(29/10/2008 09:24:25 AM)}
المطالبة بوقف تنفيذ ال شوسمو....

لأنه هاي كلها مطالبات شكلية و ما رح يطلع بإيدكو شي.. مش لأنه ما بطلع.. بس لأنها مسرحية مكررة و بايخة

شكرا (classical_f123 - الأردن)
classical_f123@yahoo.com
^{(29/10/2008 09:23:42 AM)}
اتمنى متابعة الموضوع و عدم تطنيشه بعد فترة.حتى هاي بدهم ياخدو عليها مصاري

هادا اللي ناقص (ياعيني - الأردن)
mimi!@yahoo.com
^{(29/10/2008 09:16:33 AM)}
عن جد هاد اللي ناقص ! الواحد يصير يدفع تعرفة على تقارير الإستلام ، شو ظل ندفعه ؟؟ كتابة الرسالة كمان ؟؟
لاحول ولا قوة إلا بالله

كل يغني على ليلاه (عجيب - الأردن)
no@tel.com
^{(29/10/2008 09:16:22 AM)}
لو ترك الامر على الغارب لمن يريد الرفع وفرض الامر الواقع لأكلنا بعض .
يا حبذا ان يتم كسر اسواق الاحتكار بفتح اسواق جديدة فهو العلاج المثالي لكل محتكر .
بالعربي رفع الحماية على استقطاب شركات جديده نظرا لأرتفاع الارباح .

ممتاز (سامي - الأردن)
sami86@hotmail.com
^{(29/10/2008 09:14:07 AM)}
ارجو التطبيق فورا لانه بصراحه ما في داعي لخصم قرش

ما في منه الحكي (اردني - الأردن)
enta_ro7e@yahoo.com
^{(29/10/2008 09:06:33 AM)}
شركات الاتصالات بدأت من اليوم خصم قرش على التقارير وانا جربتها... هذا يعني ان هذه الشركات لم تستجب لطلب وزارة الصناعة والتجارة ...

تعرفة تقارير الخلوي (اياد عربيات - الأردن)
eyad_arabiyat@hotmail.com
^{(29/10/2008 09:03:42 AM)}
اشيد بقرار وزارة الصناعة و التجارة لان القرار ليس له داعي كون الشركات تقدم هذه الخدمة تعاونا مع عملائها الذين تشكل اتصالاتهم و رسائلهم ايراد الشركات و كون الشركات تحصل ثمن الرسائل فلماذا تفرض تعرفة على التقارير .

الله يعين (مهند - الأردن)
mohannad_al3attele@hotmail.com
^{(29/10/2008 09:02:31 AM)}
الله يعين هالشعب مش عارف من وين بدو يلحق ولا يلحق على الخلويات

يا سلااااااام!!!!!!!!! (Eng.M - الأردن)
me12@yahoo.com
^{(29/10/2008 08:51:01 AM)}
يعني بس ضايل يفرضوا ضرايب على الهوا اللي بنتنفسه!!!!
ارحمونا رجاءا....

الله يسعد كل موظفي الصناعه و التجاره (غدير - الأردن)
om_rakan1@yahoo.com
^{(29/10/2008 08:50:00 AM)}
الله يسعد كل موظفي الصناعه و التجاره على هاالخطوه الجرئيه و يا رب دائما تظلوا صاحيين و مصحصحين و توقفوا اي ظلم .عن جد تسلم عقولكوا و قراراتكوا وخصوصا وزير الصناعه و التجاره معالي خلدون قطيشات .

هل التزمت الشركات بوقف التعرفة... (خالد - الأردن)
khalid@yah.com
^{(29/10/2008 08:32:55 AM)}
حلو
والأشخاص الذين طبقت عليهم التعرفة وتم الخصم من رصيدهم؟؟؟

عفارم عليك ياوزاره (ساهر عوده - الأردن)
saheruodeh@hotmail.com
^{(29/10/2008 08:23:55 AM)}
قال يا فرعون مين فرعنك قال ملقيتش حد يحوشني وهاي شركات الخلوي بدل هالاعلانات الي ع الفاضي والملايين ما في داعي لخصم مستمر وابتكار طرق عشان ادفعو البشر اشتغلو صح وعليك فيهم يا وزاره

الغشيم راحت عليه (نورس الشركسي - الأردن)
alsharcasi@yahoo.com
^{(29/10/2008 08:11:41 AM)}
المفروض قبل ما يصير في خصم تبليغ المشترك بإنو الخدمة صارت بمصاري وتخييرو بشطبها او تركهاوكيفية شطبها

ارحمونا (محمد امير - الإمارات)
awws@dar.com
^{(29/10/2008 06:37:30 AM)}
يعني بصراحه مو عارفين شو بدكم
طالعين منشار نازلين منشار
يا عالم ارحمو المواطن الواحد كل شغله علموبايل كل شي بتاخدو عليه ارحمونا
والله حرام عليكم هذا يالي بدو يبعت مسج لا سمح الله هو وحظه يوصل ولا لأ بلاش من هلخدمه
بس حاب اقترح اقتراح اذا الواحد رن على الثاني miss call ليش ما تنخصم عليه مكالمه دوليه
فكره قيد الدراسه شو المشكله

ارحموناااااااااااااا (محمد الحلو - الأردن)
try_2_be_happy@live.co.uk
^{(29/10/2008 02:51:56 AM)}
انشالله هو الواحد ناقصه كمان عالطالع والنازل سلخ بالمواطن جميع دول العالم عاملتها ببلاش الا هون مو للهدرجة الطمع يا شركات الخلوي ارحموناااااااااااااااااا