إصابة بالرصاص بمشاجرة في "آل البيت" والجامعة تعلق الدوام

تم نشره في الخميس 4 كانون الأول / ديسمبر 2014. 01:06 مـساءً - آخر تعديل في الخميس 4 كانون الأول / ديسمبر 2014. 04:37 مـساءً
  • تواجد أمني عند مدخل للجامعة - (من المصدر)
  • تجمع للطلبة خلال اندلاع المشاجرة- (من المصدر)

عبد العزيز محمديين وإحسان التميمي

الغد- أصيب طالب في جامعة آل البيت بعيار ناري إثر تجدد مشاجرة بين طلبة ينتمون لتجمعين عشائريين، اليوم الخميس، استخدمت فيها العصي والحجارة وتخللها إطلاق عيارات نارية، ما دفع إدارة الجامعة إلى تعليق الدوام، وفق مصدر مسؤول فيها.
وقال مدير مستشفى المفرق الدكتور اسمير المشاقبة "إن قسم الإسعاف والطوارئ استقبل طالبا من جامعة آل البيت مصابا بطلق ناري في منطقة الكتف الأيمن"، لافتا إلى أنه تم إجراء الإسعافات الأولية له وحالته العامة متوسطة، مبينا أن المستشفى استقبل أيضا طالبة من جامعة آل البيت مصابة بكدمات ورضوض وتم تقديم الإسعافات اللازمة لها.
وقال شهود عيان لـ"الغد" إن أشخاصا يحملون أسلحة أغلقوا بمركباتهم إحدى بوابات الجامعة الرئيسية ومنعوا خروج الطلبة منها وسط حالة من الذعر والهلع، قبل أن يتم فتحها لاحقا.
وبدأت المشاجرة من مجمع بني هاشم وامتدت إلى مجمع قريش وكليتي الاقتصاد والآداب، وفق الشهود الذين أكدوا أن عددا من أعضاء هيئة التدريس اضطروا إلى إخلاء قاعات التدريس وتأجيل امتحانات كانت مقررة اليوم حفاظا على سلامة الطلبة.
وطوقت قوات من الأمن والدرك بوابات الجامعة.
ومشاجرة اليوم هي امتداد لمشاجرة يوم الخميس الماضي، شهدت إطلاق أعيرة نارية وتحطيم ممتلكات عامة.
وقال الشهود لـ"الغد" حينها، إن المشاجرة اندلعت في مجمع بني هاشم واستخدمت فيها العصي والحجارة وتبعها إطلاق أعيرة نارية من أسلحة عدة وتم الاعتداء على مرافق المجمع وتكسير عدد من النوافذ.
ولاحقا أصدرت الجامعة بيانا قالت فيه إن أشخاصا ملثمين دخلوا إلى الجامعة عبر السياج وهم من قام بمثل هذه الفوضى داخل الحرم، ما نجم عنه إصابة طالب يبلغ من العمر 21 سنة بطلق ناري طائش في منطقة الكتف نقل على إثرها إلى مستشفى المفرق الحكومي.
وأوضح رئيس جامعة آل البيت الدكتور ضياء الدين عرفة، في البيان، أن قرار التعليق جاء للحفاظ على سلامة الطلبة ومرافق الجامعة ولمنع امتداد المشاجرة إلى المجمعات العلمية والكليات الأخرى، مشيرا إلى أن الجامعة اتخذت الإجراءات اللازمة كافة وبالتعاون مع الأجهزة الأمنية التي بذلت جهودا جبارة خلال الأسبوع الماضي ولغاية اللحظة من أجل المحافظة على الأمن والأمان وضمان خروج الطلبة والكوادر التدريسية والإدارية بكل سهولة ويسر.
وأشار البيان إلى أن الجامعة حريصة على اتخاذ الإجراءات القانونية والإدارية كافة بحق المتسببين بهذه المشاجرة؛ حيث تم تشكيل لجان تحقيق للوقوف على مجريات وأسباب ما حدث من أجل ضمان سير العملية التدريسية ودوام العاملين في الجامعة كافة، مشددا على أنه لن يكون هناك تهاون في التعامل مع هكذا أحداث من خلال إنزال أقصى العقوبات بحق المتسببين للحيلولة دون تكرار مثل هذه المشاجرات مستقبلا.

التعليق
› ان الاّراء المذكورة هنا تعبر عن وجهة نظر أصحابها ولاتعبر بالضرورة عن اراء جريدة الغد.
  • »جامتعنا (خريجه ال البيت)

    الأحد 7 كانون الأول / ديسمبر 2014.
    والله الحق كلو ع امن الجامعه لو في امن زي العالم والناس ماكان صارت هاد المشاكل لازم يتغير الامن ضروري
  • »الله لا يوفقهم المتسببين (طالبه)

    الأحد 7 كانون الأول / ديسمبر 2014.
    حرااام عليهم الشاب المصاب شو ذنبوو ﻻ سمح الله لوو حصلوو شي وتوفي شو حيكون ضميرهم هديك الساعه المشاجره لن تنتهي ابدا والطالبه المصابه بالكدمات مالها اهل يدافعو عنها بس حسبي الله ونعم وكيل ا
  • »للاسف (انا داري)

    السبت 6 كانون الأول / ديسمبر 2014.
    اقسم بالله يعجز الوصف
  • »المفرق (مرام)

    الجمعة 5 كانون الأول / ديسمبر 2014.
    انا برأي انو الأمن الجامعي يتغير ويكون من الأمن العام والدرك والي تسببوا بالمشكلة لازم ينفصلوا فصل نهائي
  • »امن فاشل (هديل)

    الجمعة 5 كانون الأول / ديسمبر 2014.
    ازا ضل الامن الجامعي بالجامعه متل ما هو رح تضل المشكله والعنف

    لازم يتخدوا قرارات صارمه بحق الطلاب واصلاحات بالجامعه بتخص الامن والقوانين والعقوبات لازم تتنفذ من دون اي تراجع
  • »طالب في ال البيت (دحام الشمري)

    الجمعة 5 كانون الأول / ديسمبر 2014.
    الرجوله.......اااااااااااااخلاق ياااااا شباب
  • »والحزن (عشائري)

    الجمعة 5 كانون الأول / ديسمبر 2014.
    ياسيدي للحكومه بتقول هالايام الشعب يعمل شو مابدو خليهم يلتهو في بعض بس ماينظمو لداعش يعني اهم شي المناصب والله أنكم شعب مضحوك عليه ولو عرفتو حقوقكم وواجباتكم لما وصلتم لهذا الحال لكن هنالك دول تنتج عباقره واحنا للأسف ننتج مخاتير وشيوخ عشائر بس على شووو. على بعض
  • »جامعتي لازم ارفع راسي فيكي (طالبه في جامعة ال البيت)

    الجمعة 5 كانون الأول / ديسمبر 2014.
    حرام الي بيصير بجامعتي ...انت طالب ولازم تلتزم وتحترم غيرك لانه انسان مثلك مثله وين راحت د استك وهيبة الطالب وتعب اهلك وحرصهم عليك ...ايها الطالب لو تحترم فقط تعب اهلك وتربيتهم إلك لاكنت احترمت الانسانيه حترمت جامعتك الي تكرمك اذا حترمتها خافو الله بعض ..الله يهدينا للحق
  • »تخلف (اكرهت الجامعه)

    الجمعة 5 كانون الأول / ديسمبر 2014.
    انا عند اهلي وحيده واهلي بدهم اياني فخلص بكفي الي بتعملوه باحي من ابعد ما عمر ربنا خافو الله عيب عليكو استحو
  • »بيت (عباس)

    الجمعة 5 كانون الأول / ديسمبر 2014.
    بدنا حمايه من الامن. وفصل رئيس الجامعه هو قولته واحد..او تسكير الجامعه احسن.
  • »فشل تام (مصلحتنا)

    الجمعة 5 كانون الأول / ديسمبر 2014.
    اصلا معروف كل الطلاب نجحوا بنفس الطريقه بالغش وبتهديد بالسلاح فاكيد هذا مستقبلهم جوا الجامعة والبنات كمان لازمهم عزل تام لانة كل مشكلة وراها؟؟؟؟؟
  • »فشل تام (مصلحتنا)

    الجمعة 5 كانون الأول / ديسمبر 2014.
    اصلا معروف كل الطلاب نجحوا بنفس الطريقه بالغش وبتهديد بالسلاح فاكيد هذا مستقبلهم جوا الجامعة والبنات كمان لازمهم عزل تام لانة كل مشكلة وراها؟؟؟؟؟
  • »مابنستاهل (احنا هيك)

    الجمعة 5 كانون الأول / ديسمبر 2014.
    لو يلغو الجامعة بيكون افضل لانة احنا ما بنستاهل جامعات ولا غيرؤ لانه من الاساس كل الشباب الي بالجامعة وصلو للجامعة بنفس الطريقة بالغش والسلاح . لانه مافي شب مثقف بيعمل هيك والبنات لازم بيكون الهن عزل تام ؟؟؟؟؟؟
  • ».طلاب هندسه (دحام الشمري)

    الجمعة 5 كانون الأول / ديسمبر 2014.
    ما بعرف بجيب معي على الجامعه كتاب وقلم ادرس ولا واقي رصاص وخوذة بدافع عن روحي .....ويلي يعمل المشاكل من خارج الجامعه والكل يعرف طالب جامعه مستحيل يكون بهيك عقلية وهيك اخلاق
  • »جامعتنا (ابو يزيد)

    الخميس 4 كانون الأول / ديسمبر 2014.
    هكذا تعلمنا ان نضرب حجرا في البئر الذي نشرب منه ماء
  • »الزرقاء (الطالبه في الجامعه ال البيت)

    الخميس 4 كانون الأول / ديسمبر 2014.
    هاي الجامعه حرام تكون الجامعه نازم يخليها للواسط والمحسبيه والطلاب ما بحضروا المحاضراتهم وبعتبرهم حضور صرت استحي انوا هاي الجامعه "حسبي الله ونعم الوكيل"
  • »الله يهديكم يحمينا (نور)

    الخميس 4 كانون الأول / ديسمبر 2014.
    بس نفسي افهم كيف فاتت الاسلحة ع الجامعة واحنا واحنا بنات فتشونا وفوتونا عالهويات والشباب العسكر من كلا الطرفين كيف دخلو ع الجامعة احنا شفنا شباب مصابين بالمشكله وهها مش طلاب كيف دخلو ع الجامعة....
    ولا التشديد ع البوابة بس ع الطلاب..
  • »ساعدونا (رنا العقرباوي)

    الخميس 4 كانون الأول / ديسمبر 2014.
    احنا بنات وبنخاف واهلنا باعتينا ندرس مش نرتعب بدنا حدا يدافع عنا
  • »متنا رعب (رنا العقرباوي)

    الخميس 4 كانون الأول / ديسمبر 2014.
    والله صرنا نحسب الف حساب لما بندخل الجامعة ﻷنه بنخاف ما نروح منها الا محملين ويا ريت رئيس الجامعة بفيد باشي بس حوليه الف حارس ولما يمر بدفشوا البنات والشباب
  • »هبل (طلاب)

    الخميس 4 كانون الأول / ديسمبر 2014.
    هاد اسمو هبل إلي بيصير بالجامعة
  • »يكفي (الشديفات)

    الخميس 4 كانون الأول / ديسمبر 2014.
    يجب ان يتخذ أجراء قوي والاصل وجود جامعة بنات في كل اقليم لانهن اصل المشاكل ويجب ان يعاقب رئيس الجامعة ووزير التعليم العالي ومدير الامن الجامعي
  • »مشاجرة آل البيت (احمد عبد)

    الخميس 4 كانون الأول / ديسمبر 2014.
    الدكتور . رئيس الجامعة يجب ان يتخذ قرار بفصل كل الطلاب الذين تسببوا في هذه المشاجرة
    ويجب تغير جميع الامن الجامعي لنو وجودا وقلتوا واحد
    ويسيجوا الجامعة ويصير في حزم في الامور .
  • »حسبي الله ونعم الوكيل (طالبه في جامعه ال البيت)

    الخميس 4 كانون الأول / ديسمبر 2014.
    اللي بسير مهزله نحن رايحين ندرس ولا نتهاوش ما في امان والله بنخاف انداوم شو هاد بدنا حل نحن متنا رعب
  • »ياحسافه (حمزة السردي)

    الخميس 4 كانون الأول / ديسمبر 2014.
    تعلمنا من ابائنا واجدادنا ان الرجوله اخلاق بس للاسف!!!!!!!!! ضاعت اﻻخلاق وضاعت معها الرجوله.
  • »خافو الله (محمد)

    الخميس 4 كانون الأول / ديسمبر 2014.
    مقترح انه بتصير جامعه لشباب فقط اي واحد يعمل مشكله ينتقل عليها نفي انه المسؤول بيكون صارم في حكمه ﻻنه اي واحد يتهاون بيخربط نظام كوني وقلق الناس بس كل واحد ما ابيعمل اشيء الذي يجب ان ينعمل نحسب احساب الناس
  • »تعبنا من المشاكل (طالبة ال البيت)

    الخميس 4 كانون الأول / ديسمبر 2014.
    رئيس الجامعه بفكر انه بتصير المشاكل فقط في يوم الخميس نداوم 4 ايام في الاسبوع والخميس عطله على اي اساس يطبق هذا القرار وع اي اساس حكمت والايام الثانيه مارح يصير مشاكل غير منطقي اللي بعمله رئيس الجامعه
  • »عايشين برعب في الجامعه (طالبة ال البيت)

    الخميس 4 كانون الأول / ديسمبر 2014.
    انا طالبة جامعة ال البيت اصبحت افكر مئة مره لأذهب الى الجامعه لا احمل المسؤوليه الا للمسؤولين في جامعة ال البيت لايوجد تشديد امني الا بعد المشاجره لماذا لايكون في كل الايام ورئيس الجامعه مستهتر كثير والحبوب المخدره التي يتناولوها الطلبه وتباع وتشترى في الجامعه والوسطات وهذه كلها اسباب للمشاكل التي تحصل في جامعتنا حتى تحل هذه المشكله اولا المفروض يكون تشديد امني في كل الايام وتفتيش دقيق على جميع الطلبه ثانيا يعين رئيس الجامعه مجموعه من الطلاب يخبروه او يخبروا اي جهة اداريه عندما تحصل مشكله بين طالب وطالب اخر يحلها بينهم قبل ان تكبر المشكله وتصبح عشائريه ثالثا مكافحة الفساد الموجود في الجامعه الواسطات والحبوب المخدره
  • »فنجان القهوة (رنا الرفايعة)

    الخميس 4 كانون الأول / ديسمبر 2014.
    للأسف إني بحكي عن جامعتي يلي المفروض إني أحترمها... بس يا خسارة هالجامعة تحولت لبيت أشباح والمصيبة بالآخر بنتهي الموضوع بفنجان قهوة
  • »للأسف فنجان قهوة بحل الموضوع (rana alrafayaa)

    الخميس 4 كانون الأول / ديسمبر 2014.
    هاي مش أول مشكلة بتصير بالجامعة وما في أي إجراء بيتخذوه المسؤولين بالجامعة ...وكل مرة بعد ماتصير المشكلة وتتكسر الجامعة وينشفو دمنا من الرعب ..بيدخلوا أصحاب العبي وبيجتمعو عند الرئيس وبفنجان قهوة وكلمتين بطلعلنا بيان بنفي كل يلي صار ...عيب عليكم والله
  • »جامعتي الحبيبة (طالبة)

    الخميس 4 كانون الأول / ديسمبر 2014.
    حسبي الله ونعم الوكيل الله يهديهم ويصلحهم :-( :-(
1 2